Honda opinber bakhjarl COP15 loftlagsráðstefnunnar

Honda hefur verið valið einn af fjórum bifreiðaframleiðendum til að sjá COP15 Loftlagsráðstefnunni í Kaupmannahöfn fyrir bílum, en hún stendur nú yfir og líkur 18. desember. Honda varð fyrir valinu þar sem þeir uppfylltu fjölda strangra skilyrða um umhverfiskröfur sem Danska Utanríkisráðuneytið í setti fram. Á Loftlagsráðstefnunni verður Honda með nýjustu Hybrid bifreið sína, Insight og hið margrómaða tækniundir, vetnisbílinn FCX Clarity, en eini útblásturinn hans er vatnsgufa. Eru bifreiðarnar notaðar til að flytja, sendifulltrúa, fyrirmenn og blaðamenn á milli fundarstaða á ráðstefnunni.

Aðspurður sagði Svend Olling, deildarstjóri hjá danska utanríkisráðuneytinu að Honda hafi uppfyllt strangar kröfu og hefur verið valinn opinber bakhjarl fyrir farartæki COP15 Loftlagsráðstefnunnar. Með samningnum náum við ekki aðeins að draga úr loftlagsáhrifum ráðstefnunnar, heldur einnig að sýna bifreiðarnar þá tækni sem við munum nota í framtíðinni til að draga úr útblæstri CO₂ frá farartækjum.

Yuishi Fukuda, forstjóri Nordic Honda A.B.: “Honda er stolt af því að vera viðurkennt af danska Utanríkisráðuneytinu sem opinber bakhjarl COP15 Loftlagsráðstefnunnar. Bifreiðarnar sýna að Honda skuldbindur sig að framleiða umhverfisvænar vörur með bestu tækni fáanlegri hverju sinni, framleiddar úr verksmiðjum sem hafa hvað minnst áhrif á umhverfið í kringum sig.”

Árið 2006 varð Honda fyrsti bílaframleiðandi heims til að tilkynna það að þeir höfðu náð tilsettum markmiðum við að draga úr losun CO₂ bæði frá farartækjum og verksmiðjum.